Nkqu nobukho begqala lomqeqeshi wamanqindi uNorman Hlabane kwenye ikona akumothusi, kwaye akumoyikisi uLonki Witbooi njengokuba uloyiko lungekho kwisigama sakhe logama equkumbela ukulungisa uSinethemba Blom, emlungiselela umlo noKhaya Busakwe.
UHlabane, owalwa kudidi lwabahlawulwayo ukususela ngo-1966 kwade kwango-1975, sisisele senyathi somqeqeshi, njengokuba ebandakanyeke kumadabi amaninzi, kwaye uzakukhokelela uBusakwe emfazweni, logama uWitbooi esisa uBlom edabini.
UBlom, onentshebe, uzakucela umngeni kuBusakwe, oyintshatsheli yoMzantsi Afrika kudidi lwelightweight, eVodaworld, eMidrand, kuloMgqibelo esiya kuwo.
“Andimoyiki, ndimxelele kuba iyakuba luvuyo kum ukumthumela kumhlala phantsi. Ndikhule eliqhawe lam njengomqeqeshi. Ngoku ndizakukumbetha,” uWitbooi ngethuba ethetha ngoHlabane.
UBlom, owenjenjeya ukuya eRhawutini kusasa ngoLwesithathu, ubekwa kwindawo yesibini eMzantsi Afrika. – Monwabisi Jimlongo
