IMamelodi Sundowns iluqale kakuhle ukhuselo lwentshinga yayo njengokuba ibethe iSuperSport United ngamanqaku amabini eqandeni kumdlalo weBetway Premiership eLoftus Versfeld, ePitoli, ngokuhlwa kwangoLwesibini.
Emva kokuqengqa amaqanda ekupheleni kwesiqingatha sokuqala, iiBrazilians zifake amanqaku amabini kanye nje emveni kweyure ukuqinisekisa ukuba zibe nesiqalo esihle.
Ezinkunzi zaseTshwane zivule ngenqaku lomdlali wazo omtsha u-Iqraam Rayners ngomzuzu wamashumi amathandathu anesibini kwibhola ebisuka kuThemba Zwane. Ummi waseBrazil uLucas Ribeiro Costa ufake inqaku lesibini ngomzuzu wamashumi amathandathu anesihlanu.
