IPremier Soccer League (PSL) ibhengezile emva kwemini ngoLwesine ukuba athengiswe aphela amatikiti omdlalo wamagqibelakankqoyi eMTN8 phakathi kwe-Orlando Pirates neStellenbosch FC kulenyanga ezayo.
Lo mdlalo wePirates neStellies uzabanjelwa eMoses Mabhida Stadium, eThekwini, ngoMgqibelo umhla wesihlanu ku-Okthobha.
Kuthabathe ngaphantsi kweeyure ezine ukuba athengwe onke amatikiti alomdlalo njengokuba ebeqale ukuthengiswa ngecala lentsimbi yeshumi kusasa ngoLwesine abe sele ephelile ngemizuzu emihlanu emva kwentsimbi yesibini.
