Amanqaku afakwe kwisiqingatha sokuqala akhokelele ekubeni iPolokwane City ibambane ngenqaku macala neStellenbosch FC kumdlalo weBetway Premiership e-Old Peter Mokaba Stadium ngokuhlwa kwangeCawa.
Iindwendwe ebezisuka kwiCape Winelands zifake kuqala ngequza likaLehlohonolo Mojela, ozibandakanye neliqela ephuma kwi-TS Galaxy, engcangcazelisa umnatha ngomzuzu wamashumi amabini anesithandathu.
Kodwa, iStellies asithabathanga thuba lide siphala phambili njengokuba uThabang Matuludi elinganise amanqaku ngebhola eye yangqubeka ku-Andre de Jong sekumbovu kuhlatywe ikhefu.
