IChippa United iphumelele umdlalo wayo wesibini ngethuba ibetha i-TS Galaxy ngamanqaku amabini kwelinye kumdlalo weBetway Premiership eNelson Mandela Bay Stadium, eGqeberha, emva kwemini ngeCawa.
Eliqela laseMpuma Koloni liphale phambili ngenqaku lomdlali waseCameroon uBienvenu Eva Nga ngomzuzu wamashumi amathathu anesihlanu. Eli linqaku lesibini lika-Eva Nga kwimidlalo emibini elandelelanayo.
Kwimizuzu emithandathu emva koko, iiRockets zifake inqaku lokulinganisa, lifakwa yinzalelwane yaseSerbia uDzenan Zajmovic.
U-Ayabulela Konqobe ufake inqaku lesibini leeChilli Boys ngomzuzu wamashumi amahlanu anesihlanu. Ngoku iiChilli Boys zinamanqaku asixhenxe emva kwemidlalo emine.
