IStellenbosch FC sisemendweni wokuyikhusela indebe yeCarling Knockout emva kokubetha AmaZulu ngamanqaku amabini kwelinye eKing Zwelithini Stadium, eMlazi, eThekwini ngokuhlwa kwangoLwesihlanu.
IStellies siphale phambili ngenqaku likaDevin Titus emva komdlalo omhle obonakaliswe ngu-Andre de Jong ngomzuzu wamashumi amabini anesihlanu.
Emva kokuzama ukufaka inqaku lokulinganisa ngelingeni uTshepang Moremi ungcangcazelise umnatha kwibhola ebisuka kuWayde Jooste kwimizuzu esibhozo siqalile isiqingatha sesibini.
Lamaqela mabini adlale ngokulingana ngenqaku elinye macala ekupheleni kwemizuzu engamashumi alithoba. Iqela laseCape Winelands liphinde laphala phambili ngenqaku likaDe Jong kwimizuzu emithandathu yexesha elongeziweyo.
