IMamelodi Sundowns inqunqele iLamontville Golden Arrows egoqweni iyiquthisa ngamanqaku amahlanu eqandeni kumdlalo weCarling Knockout eLucas Moripe Stadium, e-Atteridgeville, ngokuhlwa kwangoMgqibelo.
Kuthabathe iiBrazilians ngaphantsi kwemizuzu elishumi elinesihlanu ukufaka inqaku lokuqala njengokuba uThapelo Morena engcangcazelise umnatha ngomzuzu weshumi elinesine. Ifolosi yeeBrazilians u-Iqraam Rayners ufake elesibini ngomzuzu wamashumi amathathu ananye.
Amanqaku amathathu angene kwisiqingatha sesibini efakwa nguMothobi Mvala, uPeter Shalulile noKutlwano Letlhaku ukubethelela izikhonkwane kumkhumbi we-Arrows.
