IKaizer Chiefs ithelekiswe neMamelodi Sundowns kwimidlalo yamaqela asibhozo okugqibela kwiCarling Knockout ngethuba bekuthelekiswa eKing Zwelithini Stadium, eMlazi, eThekwini, ngokuhlwa kwangeCawa.
Izakuba sisihlandlo sesibini lamaqela mabini equbisana kulesizini njengokuba iiBrazilians zabetha Amakhosi ngamanqaku amabini kwelinye kumdlalo weBetway Premiership eFNB Stadium, eNasrec, kulenyanga ephelileyo.
Kwelinye icala, intshatsheli ezikhuselayo iStellenbosch FC yaseCape Winelands izakutyelela eBloemfontein apho izakudlala khona neMarumo Gallants.
IRichards Bay FC, ebethe iSekhukhune United ngenqaku elinye eqandeni eMlazi ngokuhlwa kwangeCawa, izakudlalela ekhaya xa ivana amandla neCape Town City, logama i-TS Galaxy izakwamkela iMagesi FC eMbombela.
