I-Orlando Pirates iyithomalalisile intlungu yokuphuma kusekutsha kwiCarling Knockout njengokuba ibethe iSuperSport United ngamanqaku amabini eqandeni kumdlalo weBetway Premiership e-Orlando Stadium, eSoweto, ngokuhlwa kwangoLwesibini.
IiBuccaneers zifake inqaku kwisiqingatha ngasinye, u-Evidence Makgopa engcangcazelisa umnatha kumzuzu wesibini, waze uDeon Hotto wafaka elesibini ngomzuzu wokugqibela.
Ibisisihlandlo sesibini ngokulandelelana iMatsatsantsa a Pitori ibethwa ingafakanga nenqaku njengokuba ibibethwe ngamanqaku amane eqandeni yiKaizer Chiefs kumdlalo weCarling Knockout ePolokwane kuloMgqibelo ogqithileyo.
