IBanyana Banyana izakudlala neZambia kumdlalo wamagqibelankqoyi eCOSAFA Women’s Championship eGqeberha ngentsimbi yesithathu emva kwemini ngoMgqibelo.
IBanyana ifikelele kulomdlalo emva kokubetha iMozambique ngamanqaku amane kwelinye e-Isaac Wolfson Stadium KwaZakhele, eGqeberha, ngoLwesine.
Kuye kwanyanzeleka ukuba ibhola isuswe echaphazeni emva kokuba iBanyana neMozambique zidlale ngokulingana ngenqaku elinye macala kwimizuzu engamashumi alithoba.
UCelia Joao Miguel ufake inqaku leMozambique ngomzuzu wamashumi amathathu anesine, logama uTshegofatso Motlogelwa elinganise amanqaku xa kanye bekuzakuphela isiqingatha sokuqala.
Kusenjalo, iZambia ibethe iMalawi ngamanqaku amabini eqandeni komnye umdlalo obudlalelwa kwelibala laKwaZakhele.
