UTshifhiwa ‘Spider’ Munyai uzakuntingela kwelaseMexico ngoLwesine, apho azakulwa khona negqala elingummi waseMexico uLuis Miguel Roman Portillo eGimnasio Municipal Jose Neri Santos, eCiudad Juarez, kuleveki ezayo ngoLwesihlanu, ngoMgqibelo ngokwexesha laseMzantsi Afrika.
Sisihlandlo sesibini lenjinga yakudala kwi-International Boxing Organisation (IBO) kudidi lwejunior-featherweight isilwa ngaphaya kwemida yoMzantsi Afrika kulonyaka. UMunyai wabethwa ngummi waseRussia u-Emir Basirov eSports Palace Yubileiny, e-Almetyevsk, kwelaseRussia kulenyanga ephelileyo.
Lenzalelwane yaseMakwarela, eneminyaka engamashumi amathathu anethoba, izakunikela umva uMzantsi Afrika ihamba nekhankatha layo uWarren Hulley besingise kwelilizwe elikumbindi Melika.
Kusenjalo, uRoman wabethwa nguMiguel Berchelt ngethuba besilwela intshinga yeWorld Boxing Council (WBC) kudidi lwejunior-lightweight e-El Paso, eMelika, ngoNovemba 2018.
Ukanti umlo wakho nentshatsheli yamhlamnene kudidi lwelightweight eMzantsi Afrika ufika kanye kwiintsuku ezintandathu ngaphambi kokuba uRoman abhiyozele iminyaka engamashumi amathathu anethoba.
URoman, ophumelele imilo engamashumi amathandathu anethoba, enqumamise amadoda angamashumi amahlanu, ebethwe kwelishumi elinesine, uphumelele imilo esibhozo kwelishumi yokugqibela. Wabetha uNestor Adrian Maidana nguJuni kulonyaka.
