IMamelodi Sundowns izakuqubisana neMagesi FC kumdlalo wamagqibelakankqoyi eCarling Knockout eFree State Stadium, eMangaung, ngoMgqibelo umhla wamashumi amabini anesithathu kuNovemba.
Oku kulandela emva kokuba izangxa zaseTshwane zibethe iMarumo Gallants ngamanqaku amabini eqandeni eDr Molemela Stadium, eMangaung, emva kwemini ngeCawa.
Amanqaku afakwe nguLucas Ribeiro Costa noNeo Maema athabathe iiBrazilians azibeka kumdlalo neMagesi, engomafik’izolo kwiPremier Division.
Kusenjalo, iMagesi ifikelele kumdlalo wamagqibelakankqoyi emva kokubetha Richards Bay FC ngenqaku elinye eqandeni eMlazi, eThekwini, ngoMgqibelo.
