IKaizer Chiefs iphumelele iHome of Legends Cup emva kokubetha iMamelodi Sundowns ngamanqaku amahlanu kwamane eNelson Mandela Bay Stadium, eGqeberha, ngokuhlwa kwangoMgqibelo.
Kuye kwanyanzeleka ukuba lo mdlalo ugqityezelwe ngokubeka ibhola echaphazeni emva kokuba lamaqela mabini oyisakele ukufaka amanqaku kwimizuzu engamashumi alithoba.
Amakhosi afikelele kumdlalo wamagqibelakankqoyi emva kokubetha iLamontville Golden Arrows ngamanqaku amabini eqandeni, logama izangxa zaseTshwane zibethe iChippa United ngamanqaku amahlanu kwamathathu. Kuyiwe echaphazeni kumdlalo weeBrazilians neeChilli Boys emva kokubambana ngenqaku elinye macala.
