IBafana Bafana iquthise uMzantsi Sudan ngamanqaku amathathu eqandeni kumdlalo wokuzibekela indawo kwitumente yamazwe ngamazwe ase-Afrika yonyaka ozayo eCape Town Stadium ngokuhlwa kwangoLwesibini.
IBafana iphale phambili ngomzuzu wesixhenxe ngenqaku elifakwe ngu-Iqraam Rayners. UPatrick Maswanganyi ufake inqaku lesibini kwimizuzu elishumi elinesihlanu elandelayo.
UTeboho Mokoena ufake inqaku lesithathu kwibhola ebisuka echaphazeni emva kokudlalwa kakubi kogxa wakhe kwiMamelodi Sundowns uKhuliso Mudau kwimizuzu emihlanu siqalile isiqingatha sesisibini.
IBafana iqukumbele ikwindawo ephezulu emva kokuphumelela imidlalo emine, yadlala ngokulingana kwemibini, ilandelwa yi-Uganda ephumelele imidlalo emine, yadlala ngokulingana komnye yaphinda yabethwa komnye.
