IStellenbosch FC ibethe i-Orlando Pirates ngenqaku elinye eqandeni, yaze ngaloondlela yaqinisekisa ukuba kufikelele esiphelweni ukuphumelela kweeBuccaneers njengokuba ziquthisiwe kumdlalo weBetway Premiership e-Orlando Stadium, eSoweto, emva kwemini ngeCawa.
Emva kokumelana noxinezelelo obeluziswe yiPirates, iStellies sifumene inqaku ngequza likaDevin Titus ngomzuzu wamashumi amathathu anesithathu. Ngoku iStellies sonyukele kwindawo yesithathu kumanqwanqwa ePremiership silandela emva kwePirates neMamelodi Sundowns, ekwindawo yokuqala.
Kusenjalo, iLamontville Golden Arrows iquthise iCape Town City ngamanqaku amathathu kwamabini komnye umdlalo weBetway Premiership eMpumalanga Stadium, eHammersdale.
