IMamelodi Sundowns iphumelele umdlalo wesithandathu ngokulandelelana ngokubetha iRichards Bay FC ngamanqaku amabini eqandeni kumdlalo weBetway Premiership eKing Zwelithini Stadium, eMlazi, eThekwini ngoMgqibelo emva kwemini.
IiBrazilians zifake inqaku lokuqala ngequza lika-Arthur Sales emva kokufumana ibhola entle ebisuka kumkhaya wakhe waseBrazil uLucas Ribeiro Costa ngomzuzu weshumi elinethoba uqalile umdlalo.
URibeiro uvalele phakathi inqaku lesibini lezangxa zaseTshwane ngomzuzu wamashumi amathandathu anesithandathu.
Kusenjalo, iLamontville Golden Arrows ibambene ngeqanda macala omabini nePolokwane City eMpumalanga Stadium, eHammersdale.
