Iqela eliphala phambili iMamelodi Sundowns ibhengezile emva kwemini ngoLwesithathu ukuba ityikitye umdlali wasemva uKeanu Cupido esuka kwiCape Town City.
UCupido, owayengukapteni weqela loMzantsi Afrika labaneminyaka engaphantsi kweshumi elinesixhenxe, uvume ukushiya iKapa aye eChloorkop ngaphambi kokuvalwa kwenyoba yokutyikitya abadlali ngoLwesibini.
“Umdlali wasemva kwiBafana Bafana uKeanu Cupido uzibandakanye neeBrazilians kwisivumelwano sexesha elide,” itshilo iSundowns.
UCupido, oneminyaka engamashumi amabini anesixhenxe, udlale imidlalo engaphaya kwekhulu kususela mhla wazibandakanya neeCitizens ngo-2018.
Kusenjalo, ezizangxa zaseTshwane zibolekise ngomdlali wasesiswini uLebo Maboe kwiSuperSport United kude kuphele lesizini.