IStellenbosch FC idadele enzulwini, ifikelela kumaqela asibhozo okugqibela kwiNedbank Cup emva kokubetha iPolokwane City ngamanqaku amabini eqandeni eDanie Craven Stadium kwiCape Winelands ngokuhlwa kwangoLwesine.
Omabini amanqaku eStellies angene kwisiqingatha sokuqala. IStellies siphale phambili ngethuba uBulelani Nikani ehlaba ngomkhonto ekhaya ngomzuzu weshumi elinesithathu.
UDevin Titus ufake iqanku lesibini leStellies kwibhola ebisuka kuKhomotjo Lekoloane xa kanye kushiyeke imizuzu esibhozo kuhlatywe ikhefu.
Kusenjalo, iStellies sibeliqela lesibini ukungena kumjikelo olandelayo weNedbank Cup emva kokuba iSuperSport United ibethe iqela elidlala kwiMotsepe Foundation Championship (MFC) iCape Town Spurs ngamanqaku amabini kwelinye ngokuhlwa kwangoLwesithathu.
