Owayesakulwela intshinga yehlabathi u-Azinga ‘Golden Boy’ Fuzile ubila esoma kwenye yeendawo zokuzilolonga eRhawutini elungiselela umlo wakhe noSultan Zaurbek waseKazakhstan.
Ngendlela azimisele ngayo, uFuzile, oneminyaka engamashumi amabini anesibhozo, sele enento engaphaya kweveki ezilolonga eRhawutini njengokuba elungiselela umlo wetshinga yeWorld Boxing Association (WBA) Continenal kudidi lwejunior-lightweight eBarrys Arena, e-Astana, kwelaseKazakhstan ngoMgqibelo umhla wesihlanu ku-Epreli.
“Lomlo ungomhla wesihlanu ku-Epreli, kwaye izakuba ngumlo weWBA Continental. Ndikholelwa ukuba lo ngumlo anokuwuphumelela uFuzile,” utshilo uRodney Berman, ongumqondisi weGolden Gloves.
Kuzakufuneka uFuzile, owayeyinjinga yoMzantsi Afrika kudidi losiba, azibambe ziqine njengokuba uZaurbek, oneminyaka engamashumi amabini anesibhozo nolinxele, eyiphumelele yolishumi elinethoba imilo yakhe, emqumamise amadoda alishumi elinesithathu. – Monwabisi Jimlongo
