ICape Town City iqinisekisile kusasa ngoLwesine ukuba ityikitye owayengumdlali wasesiswini kwiBafana Bafana uThulani Serero.
USerero, owakhe wadlalela i-Ajax Amsterdam ne-Ajax Cape Town, uzibandakanye neeCitizens emva kweeveki ezimbalwa ezilolonga neliqela.
“ICape Town City Football Club ichulumancile ukwazisa ukuba ityikitye uThulani Serero, into ephawula ukubuyela kwakhe kwibhola ekudidi oluphezulu eMzantsi Afrika,” zitshilo iiCitizens.
USerero wanikela umva uMzantsi Afrika esiyokuzibandakanya ne-Ajax Amsterdam kwi-Eredivisie yaseHolani ngo-2011. Wachitha iisizini ezintandathu kweliqela ngaphambi kokuyokudlalela iVitesse kwakwi-Eredivisie.
USerero, oneminyaka engamashumi amathathu anesine nowazalelwa eSoweto, waye wayokudlalela i-Al Jazira neKhor Fakkan e-United Arab Emirates (UAE).
