I-TS Galaxy ibethe AmaZulu ngamanqaku amabini kwelinye kumdlalo weBetway Premiership eKing Zwelithini Stadium, eMlazi, eThekwini ngokuhlwa kwangoLwesihlanu.
IiRockets ziphale phambili ngethuba uDzenan Zajmovic engcangcazelisa umnatha ngomzuzu wamashumi amathathu. UKamogelo Sebelebele ufake inqaku lesibini leeRockets kwimizuzu esibhozo elandelayo.
Umdlali weqela lesizwe laseNamibia u-Elmo Kambindu, ozibandakanye noSuthu esuka kwiChippa United ngoJanyuwari, ufake inqaku leqela laseThekwimi xa kanye bekuzakuphela isiqingatha sokuqala.
