IChippa United iquthise iPolokwane City ngamanqaku amabini eqandeni kumdlalo weBetway Premiership obubanjelwe eBuffalo City Stadium, eMonti, ngokuhlwa kwangoMgqibelo.
Emva kokuhlaba ikhefu kungekho nqaku, inqaku lokuqala leeChilli Boys lifakwe ngu-Azola Ntsabo kwimizuzu emine siqalile isiqingatha sesibini. Ukanti, inqaku lesibini leqela laseGqeberha lifakwe ngunozinti weRise and Shine uBrian Bwire ngomzuzu wamashumi asibhozo anethoba.
Ngenxa yalempumelelo, iiChilli Boys zonyuke zisuka kwindawo yeshumi elinambini zayokuthi finini kwindawo yethoba kumanqwanqwa ePremiership.
