IRichards Bay FC ibethe iKaizer Chiefs ngamanqaku amabini eqandeni kumdlalo weBetway Premiership eKing Zwelithini Stadium, eMlazi, eThekwini emva kwemini ngeCawa.
Emva kokuba isiqingatha sokuqala siphele ngeqanda macala, uFezile Gcaba ufake inqaku lokuqala leNatal Rich Boyz kwimizuzu emithathu siqalile isiqingatha sesibini. Inqaku lesibini lifakwe nguYanela Mbuthuma ngomzuzu wamashumi asixhenxe anesibini.
Kungoku nje iiNatal Rich Boyz zonyuke zayokutsho kwindawo yeshumi elinanye kumanqwanqwa ePremiership.
