I-Orlando Pirates iquthise iMamelodi Sundowns ngamanqaku amabini kwelinye kumdlalo weBetway Premiership eFNB Stadium, eNasrec, eRhawutini emva kwemini ngeCawa.
IPirates iqale umdlalo ngendlela emangalisayo uRelebohile Mofokeng efaka amanqaku amabini kwimizuzu emihlanu yokuqala emva kokunikwa ibhola ngu-Evidence Makgopa. UMofokeng ufake inqaku lokuqala ngomzuzu wesine umdlalo uqalile, waze wafaka elesibini kumzuzu olandelayo.
Umdlali wasemva kwiSundowns nakwiBafana Bafana uKhuliso Mudau ufake inqaku lezangxa zaseTshwane ngomzuzu wamashumi anathandathu anesithandathu.
