IBafana Bafana intingele phezulu kuGroup C emva kokuquthisa iqela lesizwe laseLesotho ngamanqaku amabini eqandeni kumdlalo wemfezeko weNdebe yeHlabathi ka-2026 ePeter Mokaba Stadium, ePolokwane, ngokuhlwa kwangoLwesihlanu.
Emva kokubambana ngeqanda macala omabini ekupheleni kwesiqingatha sokuqala, iBafana iye yanezinye iingqondo ekuqaleni kwesiqingatha sesibini njengoko uRelebohile Mofokeng efake inqaku lokuqala ngomzuzu wamashumi amathandathu, esebenza ngebhola ebisuka ku-Elias Mokwana.
IBafana ifake inqaku layo lesibini ngequza lomdlali wasesiswini kwiMamelodi Sundowns uJayden Adams kwimizuzu emine elandelayo.
Kusenjalo, iiSuper Eagles zaseNigeria zibethe iRwanda ngamanqaku amibini eqandeni, manqaku lawo afakwe nguVictor Osimhen komnye umdlalo kaGroup C.
