Iqela loMzantsi Afrika labaneminyaka engaphantsi kwengamashumi amabini linqunqele egoqweni elaseBotswana ngamanqaku amathandathu kumdlalo wobuhlobo kwikhampasi yaseSoweto yeDyunevesithi yaseRhawutini emva kwemini ngoMgqibelo.
UJody Ah Shene noMfundo Vilakazi bafake amanqaku amabini umntu ngamnye, logama amanye amanqaku efakwe nguShakeel April noLangelihle Phili.
Lamaqela mabini azakuphinda aqubisane komnye umdlalo wobuhlobo kwizinga lamazwe ngamazwe ngoLwesibini kuleveki ezayo.
Amajita aqhubela phambili namalungiselelo etumente yelizwekazi i-Afrika yabaneminyaka engaphantsi kwamashumi amabini, ezakubanjelwa kwelase-Ivory Coast ukusuka ngomhla wamashumi amabini anesithandathu ku-Epreli ukuyokuthi ga ngomhla weshumi elinesibhozo kuMeyi.
Amaqela amane aphambili azayokudlala kwitumente yehlabathi kwelaseChile ukusuka ngomhla wamashumi amabini anesixhenxe kuSeptemba kuyokuthi ga ngomhla weshumi elinethoba ku-Okthobha.
