Ngelingeni lude lwabekwa usuku lomlo olandelayo kaSiyabulela ‘Show Time’ Hem njengokuba ezakulwa nommi waseGhana uJohn ‘The Monster’ Zile eMonti emva ngokumiswa kabini komlo wakhe.
UHem uzakuqubisana noZile kumlo weWorld Boxing Organisation (WBO) Youth kudidi lwejunior-featherweight eBorder Conference Centre, e-Abbotsford, eMonti ngoLwesihlanu kuleveki ezayo.
Lenjinga yoMzantsi Afrika kudidi lwejunior-featherweight iya kulomlo emva kokuphumelela yomihlanu imilo yayo yokugqibela kuquka nemilo emibini eyabetha kuyo igqala uBongani ‘Wonderboy’ Mahlangu. UHem uphumelele imilo esibhozo, enqumamise amadoda amahlanu, wabethwa kanye, waphinda walwa ngokulingana kumlo omnye.
Kwelinye icala, uZile, oneminyaka engamashumi amabini anesine, uphumelele imilo emithathu, wabethwa kanye, waze walwa ngokulingana kumlo omnye kwimilo yakhe emihlanu yokugqibela.
Kukonke, uZile uphumelele imilo elishumi elinesine, enqumamise amadoda alishumi elinambini, wabethwa kanye, walwa ngokulinganayo kwemibini.
