Ukudlala kakuhle kweqela leMagesi FC kuqatshelwe njengokuba umqeqeshi wayo u-Owen da Gama ephumelele iwonga lokuba ngumqeqeshi wenyanga kaMatshi ngaphantsi kweBetway Premiership emva kokuphumelela imidlalo emine kwemihlanu.
UDa Gama ubethe umqeqeshi we-TS Galaxy u-Adnan Beganovic noweMarumo Gallants u-Abdeslam Ouaddou, ababelijonge ngamehlo abomvu eliwonga.
Emva kokungavuzi kwimidlalo emine kwemihlanu ayidlalileyo, unozinti weMagesi u-Elvis Chipezeze uphumelele iwonga lokuba ngunozinti ophambili ngoMatshi.
Kusenjalo, umdlali wasemva kwiChippa United u-Azola Ntsabo uphumelele iwonga lenqaku lenyanga ngenqaku awalifaka ngethuba iiChilli Boys zazidlala nePolokwane City.
