I-Orlando Pirates ibethe iPolokwane City ngenqaku elinye eqandeni kumdlalo weBetway Premiership e-Old Peter Mokaba Stadium, ePolokwane, emva kwemini ngoMgqibelo.
Inqaku lalomdlalo lifakwe ngukapteni wePirates uNkosinathi Subisi ngomzuzu wamashumi amathandathu anesixhenxe. Eli ibilinqaku lesibini likaSibisi, oneminyaka engamashumi amabini anethoba, kwimidlalo yakhe emine yokugqibela.
Kusenjalo, iMarumo Gallants neSuperSport United zidlale ngokulingana ngenqaku elinye macala eDr Molemela Stadium, eMangaung. UBradley Grobler ufake inqaku leMatsatsantsa a Pitori, logama uTrevor Mathiane efake eleqela laseFreystata.
Kwelinye icala, iChippa United ibambene ngeqanda macala neLamontville Golden Arrows kumdlalo obubanjelwe eMpumalanga Stadium, eHammersdale.
