Usamile eyintshatsheli yaseMpuma Koloni kwicandelo labasetyhini kudidi lwejunior-flyweight uSibabalwe Gwebityala wakwaKuni.
Oku kulandela emva kokuba bobathathu abagwebi benqwalile besithi uGwebityala wenze ngokwaneleyo kumlo wakhe no-Okuhle Mthi kwitumente yamanina odwa kwiholo yaseScenery Park, eMonti, ngoMgqibelo.
Injinga yoMzantsi Afrika kudidi lwejunior-flyweight uNozwelethu Mathontsi ubethe uZizo Skoti ngamanqaku kumlo obungenantshinga.
Kusenjalo, iimbethi-manqindi zaKwaZulu-Natal uNomfundo Xaba waseMnambithi noThema Zuma waseNkandla bavingce kwakuko, bebetha ezaseMpuma Koloni.
UXaba unqumamise uThapelo Bokwe waKwaNojoli kumjikelo wesibini, logama uZuma ebethe uBabalwa Nonqonqotho waseScenery Park ngamanqaku.
Ezinye iziphumo:
USinalo Mtolo uquthise u-Asiphile Mbuti kumjikelo wokuqala
ULikho Nxele ubethe uNamhla Mankayi kumjikelo wesibini
