IMamelodi Sundowns izakudlala nezangxa zaseYiphutha i-Al Ahly kumdlalo wamaqela amane okugqibela kwiCAF Champions League emva kokubambana ngeqanda macala omabini ne-Esperance Sportive de Tunis kumdlalo obuseStade Olympique de Rades eTunis kwelaseTunisia ngokuhlwa kqaNgolwesibini.
IiBrazilians zingene kwimidlalo eyandulela amagqibelakaNkqoyi njengokuba zibethe i-Esperance ngenqaku elinye eqandeni ngokwamanaaku angumndilili. Eli nqaku lafakwa nguPeter Shalulile kumlenze wokuqala eLoftus Versfeld, ePitoli, kuleveki ephelileyo.
Zikhe zothuswa izangxa zaseTshwane kulomdlalo ingakumbi ngethuba u-Achraf Jabri ebetha ibhola ngaphaya kukaRonwen Williams yangcangcazelisa umnatha ngomzuzu wamashumi amathandathu anesithathu, kodwa iVAR yathi ebolalele.
