Ibiyimihlali yodwa e-Orlando Stadium, eSoweto, ngokuhlwa kwangoLwesithathu emva kokuba i-Orlando Pirates ingenile kumaqela amane okugqibela kwiCAF Champions League.
Umdlalo wangoLwesithathu uphele iPirates neMC Alger zibambene ngeqanda macala omabini njengokuba izangxa zaseSoweto ziphumelele ngenqaku elinye eqandeni ngokwamanqaku angumndilili emva kokubetha eliqela lase-Algeria e-Algiers kuleveki ephelileyo.
Le mpumelelo ithetha ukuba iiBuccaneers ngoku zizakudlala nePyramids FC yaseYiphutha kumdlalo wamaqela amane okugqibela.
Imidlalo yemilenze yokuqala yamaqela amane okugqibela izakudlalwa ngomhla weshumi elinesibhozo noweshumi elinethoba ku-Epreli, ze imilenze yesibini idlawe kwimpelaveki elandelayo.
