Ziyanda iingxaki zeCape Town City njengokuba ibethwe yiRichards Bay FC ngenqaku elinye eqandeni kumdlalo weBetway Premiership eKing Zwelithini Stadium, eMlazi, eThekwini, ngokuhlwa kwangoLwesihlanu.
Kumdlalo okhe waphazanyiswa ziingxaki zezibane, iiNatal Rich Boyz ziwabuthe omathathu amanqaku ngequza likaThulani Gumede ngomzuzu wamashumi asixhenxe anethoba.
IiNatal Rich Boyz zinyuke zayokuma kwindawo yeshumi elinanye, zisuka kwindawo yeshumi elinesithathu ngamanqaku angamashumi amabini anesixhenxe kwimidlalo engamashumi amabini anesihlanu, logama iiCitizens zisaxinge kwindawo yeshumi elinesine.
