Inqaku elifakwe ekuhambeni lincede iMamelodi Sundowns yafikelela kumdlalo wamagqibela kaNkqoyi eCAF Champions League emva kokubambana ngenqaku elinye macala ne-Al Ahly kumlenze wesibini eCairo International Stadium kwelaseYiphutha ngokuhlwa kwangoLwesihlanu.
IiRed Devils ziye zacinga ukuba zifikelele kumdlalo wesithandathu wamagqibela kaNkqoyi ngethuba zinkqenkqeza phambili ngenqaku likaTaher Mohamed ekupheleni kwesiqingatha sokuqala.
Kodwa ukuhlaba ngomkhonto ekhaya komdlali wasemva kwi-Al Ahly uYasser Ibrahim kuncede iiBrazilians zalinganisa ekuzeni kuphela komdlalo.
Kusenjalo, izangxa zaseTshwane zizakudlala nephumeleleyo kumdlalo ophakathi kwePyramids ne-Orlando Pirates, odlalelwa e-30 June Stadium.
