Akukhange kubaphathe kakuhle abaphathi be-Al Ahly ukukhutshelwa ngaphandle kweCAF Champions League yiMamelodi Sundowns.
Ngenxa yoko, eliqela laseYiphutha limgxothile umqeqeshi walo uMarcel Koller emva kokufeda ukufikelela kumdlalo wamagqibela kaNkqoyi eCAF Champions League.
ISundowns ibambene ngenqaku elinye macala neeRed Devils ngokuhlwa kwangoLwesihlanu, nto ke leyo eyenze lwafikelela esiphelweni uhambo lwazo kwiChampions League.
Kusenjalo, lommi waseSwitzerland, oneminyaka engamashumi amathandathu anesine, uphulukene nomsebenzi wakhe nangona ephumelele iintshinga ezilishumi elinanye emva kokungena kwisikhundla sokuqeqesha esashiyeka singenamntu ekumkeni kukaPitso Mosimane ngo-2022.
