IMamelodi Sundowns, ebingenalusini, ibonakele inobungozi kakhulu ngethuba ibetha iRichards Bay FC ngamanqaku amathathu eqandeni kumdlalo weBetway Premiership eLoftus Versfeld, ePitoli, ngokuhlwa kwangoLwesithathu.
Kuthabathe iiBrazilians imizuzu esibhozo kuphela ukuphala phambili ngenqaku lika-Arthur Sales. U-Iqraam Rayners wongeze inqaku lesibini ngomzuzu wamashumi amabini anesibhozo.
Izangxa zaseTshwane ziqinisekisile ukuba umdlalo uphela ingekakhali nokukhala impempe yokugqibela ngethuba uMarcelo Allende efaka inqaku lesithathu kwimizuzu emithathu siqalile isiqingatha sesibini.
Kusenjalo, iSekhukhune United iwabulele fi amathemba e-Orlando Pirates okuphumelela indebe yeBetway Premiership njengokuba ibethe iiBuccaneers ngenqaku likaTresor Tshibwabwa eqandeni kumdlalo obuse-Orlando Stadium, eSoweto, logama iStellenbosch FC sibethe iChippa United ngenqaku elinye eqandeni eDanie Craven kwiCape Winelands.
