Kwiintsukwana nje ezimbalwa emva kokubetha iKaizer Chiefs kwiSoweto derby, i-Orlando Pirates ibethe iLamontville Golden Arrows ngamanqaku amabini kwelinye kumdlalo weBetway Premiership eMoses Mabhida Stadium, eThekwini, ngokuhlwa kwangoLwesibini.
Emva kokuba bekungekho qela elifake inqaku ekupheleni kwesiqingatha sokuqala, iPirates iphale phambili ngenqaku likaPatrick Maswanganyi kwibhola ebisuka kuKabelo Dlamini kwimizuzu esixhenxe kwisiqingatha sesibini.
Ukanti kwimizuzu esixhenxe emva koko, uSiyanda Mthanti unike Abafana Bes’thende ithemba lokuzuza nto kulomdlalo ngethuba efaka inqaku lokulinganisa.
Aphinde aphala phambili amaBhakaniya ngenqaku elihle elize ngequza likaTshegofatso Mabasa kwibhola ebithunyelwe kuye nguMbekezeli Mbokazi ngomzuzu wamashumi asixhenxe anesithathu.
