I-Orlando Pirates iphumelele isihlandlo seshumi elinethoba ngethuba ibetha iSuperSport United ngenqaku elinye eqandeni kumdlalo weBetway Premiership ePeter Mokaba Stadium, ePolokwane, ngokuhlwa kwangoLwesibini.
Emva kweqanda macala omabini ekupheleni kwesiqingatha sokuqala, uMohau Nkota ufake inqaku ePirates ngomzuzu wamashumi asixhenxe anambini kwibhola ebisuka kuKarim Kimvuidi.
IPirates, ekwindawo yesibini, sele iqokelele amanqaku angamashumi amahlanu anethoba kwimidlalo engamashumi amabini anesithandathu, logama iMatsatsansa a Pitori, ekwindawo yeshumi elinesine, inamanqaku angamashumi amabini anesithandathu emva kwemidlalo engamashumi amabini anesithandathu.
