I-Orlando Pirates ibambene neMagesi FC ngenqaku elinye macala kumdlalo wayo wokugqibela weBetway Premiership e-Orlando Stadium, eSoweto, ngokuhlwa kwangoLwesithathu.
AmaBhakaniya aphale phambili ngomzuzu wesixhenxe ngethuba uPatrick Maswanganyi engcangcazelisa umnatha emva kokunikwa ibhola nguRelebohile Mofokeng.
IDikwena tsa Meetse ifake inqaku lokulinganisa lisiza no-Edmore Chirambadare kwibhola ebisuka kuThabang Sibanyoni ngomzuzu wamashumi amathathu anesibini.