Iqela laseMpuma Koloni iChippa United iqinisekisile kusasa ngoLwesithathu ukuba iqeshe uSinethemba Badela njengomqeqeshi wayo omtsha.
UBadela, oyinzalelwane yaseSterkspruit kumaspala iSenqu, uvale isikhundla esishiyeke singenamntu emva kokumka kukaThabo September.
Lomqeqeshi omtsha weeChilli Boys noneminyaka engamashumi amathathu anesihlanu uzibandakanye neliqela elizinze eGqeberha emva kokuba wayekhe walisekela likaRulani Mokwena kwiqela laseMorocco iWydad Athletic Club.
