Owayeyintshatsheli yoMzantsi Afrika, onqatyelwe yimilo, uPrince Dlomo uzakuvuthulula uthuli njengokuba ebuyela eqongeni ngomlo noPaul Kamanga waseDemocratic Republic of Congo (DRC) eVictory Theatre, eHoughton Estate, eRhawutini ngoMvulo weveki ezayo.
Izakuba kokokuqala uDlomo esilwa kwisithuba seenyanga ezilishumi elinethoba kususela mhla wahluthwa intshinga yoMzantsi Afrika kudidi lwejunior-welterweight nguNtethelelo Nkosi ngoNovemba 2023.
“UDlomo uzakulwa noKamanga ngoMvulo. Ufumene lo mlo ngomzuzu wokugqibela, kwaye into entle kukuba ebesoloko eziqeqesha lonke elixesha,” utshilo uCharrit Mukondeleli, ongumqeqeshi kaDlomo.
Ngaphambi kokubethwa nguNkosi, uDlomo wayeqhuba kakuhle kakhulu ephumelele imilo esixhenxe ngokulandelelana apha ekhaya, kwaye wayesele ngempumelelo kumlo omnye ngaphambi kokuqhayisa ngokokuba uyikhusele izihlandlo ezintlanu intshinga yoMzantsi Afrika.
Kwelinye icala, uKamanga uzakulwa okokuqala kwiminyaka emithathu. UKamanga akakalwi ukususela mhla wabethwa nguJabulani Makhense ngoJuni 2022.
