I-Angola iyikhusele ngempumelelo iNdebe yeCOSAFA ngethuba iquthisa iBafana Bafana ngamanqaku amathathu eqandeni eFree State Stadium, eMangaung, emva kwemini ngeCawa.
I-Angola iphale phambili ngenqaku elifakwe nguLaurindo Dilson Maria Aurélio, owaziwa ngegama elithi Depu, emva kwebhola ebisuka kuPedro Bondo Francisco kwimizuzu emibini ngaphambi kokuphela kwesiqingatha sokuqala.
U-Aurélio ufake inqaku lesibini ngomzuzu wamashumi amathandathu anesibini kwibhola ebisuka ku-Ambrosini António Cabaça Salvador, oteketiswa ngegama elithi Zini.
UFelício Mendes João Milson ufake inqaku lesithathu kushiyeke imizuzu elithoba waze ngalondlela waqinisekisa ukuba i-Angola iyikhusele ngempumelelo lendebe.