UHovhannes Bachkov wase-Armenia ubonakalise ubunganga bakhe ngethuba ebetha imbethi-manqindi yaseMzantsi Afrika uXolisani ‘Nomeva’ Ndongeni eRixos Tersane, e-Istanbul, kwelaseTürkiye ngokuhlwa kwangoLwesithathu.
UBachkov, oneminyaka angamashumi amathathu anesibini nowaphumelela imbasa yobhedu kwimidlalo ye-Olimpiki ka-2020 eTokyo, unqumamise uNdongeni kumjikelo wethoba.
Ikona kaNdongeni iphose itawuli emva kokuwiswa kwakhe yilentshatsheli ye-International Boxing Association (IBA) kudidi lwejunior-welterweight.
Ngenxa yalempumelelo, uBachkov waseGyumri kwelase-Armenia uye waliphucula irekhodi lakhe. Ngoku, sele eyiphumelele yosibhozo imilo yakhe, enqumamise amadoda asixhenxe, logama uNdongeni, oneminyaka engamashumi amathathu anesihlanu, ephumelele imilo engamashumi amathathu anesithathu, enqumamise amadoda alishumi elinethoba, wabethwa kwimilo esixhenxe.
