Imbethi-manqindi yase-Ukraine u-Oleksandr Usyk uqhubele phambili nobunganga bakhe xa esilwa neembethi-manqindi zaseBrithane njengokuba kubenjalo eWembley Stadium, eLondon, e-United Kingdom ngokuhlwa kwangoMgqibelo.
Elinxele, elineminyaka engamashumi amathathu anesibhozo, limwise kabini uDaniel Dubois kumjikelo wesihlanu, waze wabe uyaphela umlo.
Ngoku, u-Usyk uzikhusele ngempumelelo iintshinga zakhe zodidi lwanzima kwiWorld Boxing Council (WBC,) i-International Boxing Federation (IBF), iWorld Boxing Organisation (WBO) ne-International Boxing Organisation (IBO).
Kungoku nje u-Usyk sele eyiphumelele yosibhozo imilo yakhe neembethi-manqindi zaseBrithane. Wabetha uTony Bellew, uDerek Chisora, u-Anthony Joshua kabini, uTyson Fury kabini noDubois kabini.
Kusenjalo, imbethi-manqindi yaseBrithane uLawrence Okolie ubethe uKevin Lerena waseMzantsi Afrika ngamanqaku kumlo wengabula zigcawu.
