ISekhukhune United ize ngomva, yaze yabetha i-TS Galaxy ngamanqaku amathathu kwamabini kumjikelo wokuqala wokhuphiswano lweMTN8 ePeter Mokaba Stadium, ePolokwane, ngokuhlwa kwangoMgqibelo.
IiRockets ziphale phambili ngenqaku likaMpho Mvelase ngomzuzu weshumi elinesithathu, waze uVictor Letsoalo wafaka elesibini kwimizuzu emine ngaphambi kokuphela kwesiqingatha sesibini.
Ifolosi yamhlamnene kwiSuperSport United uBradley Grobler ufake inqaku lokuqala leBabina Noko xa kanye kuzakuyiwa ekhefini.
UGrobler uphindile kwakhona ngethuba efaka inqaku lakhe lesibini ngomzuzu wamashumi amathandathu anesithathu, waze uVusimuzi Mncube wafaka inqaku lempumelelo kwimizuzu esixhenxe elandelayo.
