Ufafa olude lwefolosi uSomila Ntsundwana ubuyele ekhaya eGqeberha, eMpuma Koloni, waze wazibandakanya neChippa United ngoLwesibini emva kwemini.
UNtsundwana, oyinzalelwane yaseMotherwell, eGqeberha, ebengenalo iqela ukususela mhla wathi wakhululwa yiRichards Bay FC.
“IChippa United yanelisekile kukubhengeza ukutyikitya kwayo uSomila Ntsundwana. Lefolosi, eyinzalelwane yaseGqeberha, izibandakanye nathi isuka kwiRichards Bay FC,” litshilo eliqela laseGqeberha.
UNtsundwana, ozakubhiyozela ukufinca iminyaka engamashumi amabini anethoba ngoNovemba, ukhe wadlala nakwiRoyal Eagles, AmaZulu neBidvest Wits.
