IPremier Soccer League (PSL) ibhengezile kusasa ngoLwesibini ukuba athengiswe aphela amatikiti omdlalo wamagqibelakankqoyi phakathi kwe-Orlando Pirates neStellenbosch FC.
Amatikiti alomdlalo ozakubanjelwa eMbombela Stadium, eNaspoti, ngoMgqibelo kuleveki ezayo, aqale ukuthengiswa ngoMvulo, aze athengwa aphela kwiiyure ezingamashumi amabini anesine.
Lo mdlalo ophakathi kweeBuccaneers neqela eliphuma kwiCape Winelands oyimpinda yesizini ephelileyo uzakuqala ngentsimbi yesithandathu.
