Emva kokukhokelela iSekhukhune United kwimpumelelo kwimidlalo emine nokudlala ngokulingana komnye, umqeqeshi u-Eric Tinkler ubhengezwe njengophumelele iwonga le-August Betway Premiership Coach of the Month kusasa ngoLwesine.
IBabina Noko ibethe i-Orlando Pirates, i-TS Galaxy, i-Orbit College neDurban City, logama idlale ngokulingana nAmaZulu.
Kwelinye icala, emva kokufaka amanqaku amathathu, waze wancedisa kwamabini, umdlali weeRockets uPuso Dithejane uye waphumelela iwonga leBetway Premiership Player of the Month ebetha uBrandon Petersen weKaizer Chiefs noKeletso Makgalwa weBabina Noko.
Kusenjalo, uKamogelo Sebelebele wePirates uzuze iwonga leBetway Premiership Goal of the Month ngenqaku lakhe elihle awalifaka bedlala neStellenbosch FC.
