Umqeqeshi weBafana Bafana uHugo Broos uyibizele kwiqela lakhe ifolosi yeStellenbosch FC u-Ashley Cupido ngaphambi komdlalo wokuzibekela indawo kwiNdebe yeHlabathi ka-2026 FIFA World Cup neRwanda eMbombela Stadium, eNaspoti, ngoLwesibini ngokuhlwa.
UBroos, oyinzalelwane yaseBelgium, uye wanyanzeleka ukuba achonge uCupido, owakhe wadlalela iCape Town Spurs, emva kokonzakala kwefolosi yeBurnley FC uLyle Foster.
UCupido, oneminyaka engamashumi amabini asine, wafaka inqaku kumdlalo wakhe wokugqibela kwiBafana ngethuba ibetha iMozambique ngamanqaku amabini eqandeni ngoJuni kulonyaka.
