IBafana Bafana izakuqalisa amalungiselelo eNdebe yamaZwe ngamazwe ase-Afrika ngomdlalo wobuhlobo neChipolopolo yaseZambia kulenyanga ezayo.
IBafana, esele ingenile kwiNdebe yeHlabathi ka-2026 ezakusingathwa yiCanada, iMexico neMelika, izakudlala neChipolopolo ekhaya ngoLwesihlanu umhla weshumi elinesine kuNovemba.
Amakhenkwe kaHugo Broos azakuqalisa itumente ye-AFCON kwelaseMorocco ngomdlalo ne-Angola ngoMvulo umhla wamashumi amabini anesibini kuDisemba. Kwiintsuku ezine ezilandelayo, iBafana izakuqubisana neePharaohs zaseYiphutha ngaphambi kokuqukumbela ngomdlalo neeWarriors zaseZimbabwe ngoMvulo umhla wamashumi amabini anethoba kuDisemba.
